နှစ်ပေါင်း (၁၅၀)ကျော်ခန့်က ပထမ မန်လည်ဆရာတော်ဘုရားကြီး အသုံးပြုခဲ့သော ယွန်းအုပ် ပကတိအတိုင်း တည်ရှိနေ

စစ်ကိုင်းတိုင်းဒေသကြီး ၊ ကသာခရိုင် ၊ အင်းတော်မြို့နယ် မန်လည်ဘုန်းတော်ကြီးကျောင်းတိုက်တွင် ပထမမန်လည်ဆရာတော်ဘုရားကြီး ဆွမ်းဘုန်းပေးသည့်အခါများတွင် အသုံးပြုခဲ့သော ရှေးနှစ်ပေါင်း (၁၅၀) ကျော်ခန့်က ယွန်းအုပ်ကို မန်လည်ကျောင်းတိုက်ကြီးတွင် ယခု ရေရှည် ဆက်လက်ထိန်းသိမ်းထားကြောင်း သိရသည်။

          ..... ဒါကတော့ ပထမ မန်လည်ဆရာတော်ဘုရားကြီး ဆွမ်းဘုန်းပေးတဲ့အခါမှာ အသုံးပြုခဲ့တဲ့ ယွန်းအုပ် ဖြစ်ပါတယ်။ အခုဆိုရင် နှစ်ပေါင်း (၁၅၀)ကျော်ခန့်လောက်တော့ သက်တမ်းရှိတော့မှာပါ။ ဒီလိုရှေးဟောင်း ပစ္စည်းတွေကို ဦးဇင်းတို့က မပျက်စီး မဆုံးရှုံးသွားအောင် ဆက်လက်ထိန်းသိမ်း စောင့်ရှောက်ထားရတာ ဖြစ်ပါတယ်။ ဒီလို စောင့်ရှောက်ထားခြင်းအားဖြင့် ပထမမန်လည်ဆရာတော်ဘုရားကြီးရဲ့ မေတ္တာတရားတွေကို လည်း တုံ့ပြန်ရာရောက်ပါတယ်။ နောက်ပြီးတော့ သာသနာ့အမွေအနှစ်တွေကို ဦးဇင်းတို့ ထိန်းသိမ်းလာတာနဲ့ အမျှ မြန်မာပြည်အထက်ပိုင်းမှာရှိတဲ့ သာသနာ့သမိုင်းတွေလည်း ကောင်းသောအစဉ်အလာတစ်ရပ် ဖြစ်လာမယ်လို့ ယုံကြည်ပါတယ်။ ဒါကြောင့်မို့ ပထမ မန်လည်ဆရာတော်ဘုရားကြီးရဲ့ အသုံးအဆောင်ပစ္စည်းများ ဖြစ်တဲ့ အမွေအနှစ်တစ်ခု အပါအ၀င် ယွန်းဆွမ်းအုပ်ကို အခုလိုပဲ ဆက်လက်ထိန်းသိမ်းပြီး စောင့်ရှောက်ထားတာ ဖြစ်ပါတယ် ...... ဟု အင်းတော်မြို့နယ် မန်လည်တောင်ကုန်း ဘုန်းတော်ကြီးကျောင်းတိုက်ရှိ ဆဌမမြောက် ကျောင်းထိုင်ဆရာတော် ဦးဝိမလက မိန့်ကြားခဲ့သည်။

          အင်းတော်မြို့နှင့် (၈)မိုင်အကွာအဝေးရှိသော မန်လည်တောင်ကုန်းရပ် ဘုန်းတော်ကြီးကျောင်းတိုက်သည် ပထမမန်လည်ဆရာတော်ဘုရားကြီး သီတင်းသုံးသွားသည့် ကျောင်းတိုက်ဖြစ်သလို ယခုအခါတွင်လည်း ရှေးနှစ်ပေါင်း (၁၅၀)ကျော်ခန့်က ရှေးဟောင်းပစ္စည်းအမြောက်အမြား ရှိနေသလို နှစ်ပေါင်း (၂၀၀)၀န်းကျင်ခန့်က ပစ္စည်းများလည်း ရှိနေကြောင်းသိရသည်။ သို့သော်လည်း ယခုအခါတွင် ဆဌမမြောက် ကျောင်းထိုင်ဆရာတော် ဘုရားကြီးသည် ပထမမန်လည်ဆရာတော်ဘုရားကြီး၏ အသုံးအဆောင်ပစ္စည်းတစ်မျိုးဖြစ်သည့် ရှေးဟောင်း အမွေအနှစ် ယွန်းအုပ်ကိုလည်း ဆက်လက်ထိန်းသိမ်းထားကြောင်း သိရသည်။

          ..... ယွန်းအုပ်ကတော့ (၅)ဆင့်ရှိပါတယ်။ ဒီယွန်းအုပ်ဟာ ပထမမန်လည်ဆရာတော်ဘုရားကြီး တင်းသုံးစဉ်ကာလက ဆွမ်းဘုန်းပေးတဲ့အခါ အသုံးပြုတဲ့ ပစ္စည်းဖြစ်ပါတယ်။ ဒီပစ္စည်းကတော့ အခုတွေ့မြင်ရတဲ့ အတိုင်းပဲ ဘုရားစဉ်ပေါ်မှာ သိမ်းထားပါတယ်... ဟု ၎င်းကျောင်းထိုင်ဆရာတော် ဦးဝိမလကပဲ ဆက်လက် မိန့်ကြား ခဲ့သည်။

                                                                             နေကိုကို (အင်းတော်)