စစ်ကိုင်းတိုင်းဒေသကြီး ၊ ကသာခရိုင် အင်းတော်မြို့နယ် ၊
လက်ပံကုန်းကျေးရွာတွင် ပုဂ္ဂလိက တစ်ပိုင် တစ်နိုင် စီးပွားရေးလုပ်ငန်းများဖြင့်
လုပ်ကိုင်လျက်ရှိသော တူရိယာလုပ်ငန်း လုပ်ကိုင်သူသည် အရောင်းသွက်လျက်
ရှိနေကြောင်းသိရသည်။
.......
တူရိယာလုပ်ငန်းကို လုပ်နေတာကတော့ နှစ်အတော်ကြာပြီဖြစ်ပါတယ်။ ဘာကြောင့်လဲဆိုတော့
တူရိယာလုပ်ငန်း လုပ်တဲ့ အခါမှာ အရင်ကတော့ စည်ကြီးတွေကို ထွင်းပြီးမှ
ရောင်းလေ့ရှိပါတယ်။ ဒါပေမဲ့ အခု အချိန်မှာတော့ စည်ကြီးထွင်းဖို့ရာ သစ်ပင်ကြီးတွေ
အသားက အတော်လေးရှားလာတော့ အခုအချိန်မှာတော့ အိုးစည် ၊ ဒိုးပတ် ၊ စည်တိုနဲ့
ဗျောတို့ကိုသာ ကျွန်တော်တို့ နေ့စဉ်
တူရိယာလုပ်ငန်းတွေကို ထွင်းပြီးမှ ရောင်းချတာ အများဆုံးဖြစ်ပါတယ်။
တူရိယာလုပ်ငန်းကို လုပ်ကိုင်တဲ့အခါမှာ ကုက္ကိုသားရယ် နောက်ပြီးတော့ တောပိတောက်
သားတွေရယ် ၊သရက်သားတွေကိုလည်း တစ်ခါတစ်လေ အသုံးပြုပါတယ်။ ကျွန်တော်တို့
ထွင်းတဲ့အခါမှာ ကတော့ ကျွန်တော်တို့ အပေါ်မှ မူတည်ပါတယ်။ ရာသီဥတု
ပွင့်လင်းတဲ့အခါမှာတော့ တစ်ခါတစ်လေကျရင်လည်း တစ်လုံးနှစ်လုံး တစ်ရက်ကို
အကြမ်းဖျဉ်းတော့ ထွင်းလို့ ပြီးပါတယ်။ အချောသတ် မယ်ဆိုရင်ကတော့ အကြမ်းတွေကို
စုစည်းပြီး နောက်ထပ် အချောပြန်လိုက်ရတာပါ။ ပုံကြမ်းတွေကို ထွင်းပြီးတဲ့ အခါမှာ
ပုံချောကို ကိုင်ရပါတယ်။ ပုံချောပြီးတဲ့ အခါမှာတော့ အိုးစည်တို့ ၊ ဒိုးပတ်တို့ ၊
ဗျော တို့ကို ပြုလုပ်ဖို့ရာ နေလှမ်းထားတဲ့ နွားသားရေနဲ့ ပြုလုပ်ပါတယ်။
အချောသတ်ပြီးပြီဆိုရင်တော့ နေအလှမ်းရအောင် ပြန်လှန်းရတာ ဖြစ်ပါတယ်။
နေလှမ်းပြီးတဲ့အခါမှာ ကိုယ်ကြိုက်တဲ့အရောင် ဆေးကိုဆိုးပြီးမှ အရောင်းခွင်သို့
တင်သွင်းရတာ ဖြစ်ပါတယ်။ တစ်ခါတစ်လေကျရင်လည်း မန္တလေးကို တင်ပို့ရောင်းချရသလို
တစ်ချို့တစ်လေကျတော့လည်း ကသာမြို့နယ် ၊ အင်းတော်မြို့နယ် ၊ ထီးချိုင့်မြို့နယ် ၊
ဗန်ေးမာက်မြို့နယ်မှာရှိတဲ့ ကျေးရွာဒေသကတွေ လာဝယ်တဲ့ အခါမှာ ရောင်းရတာကတော့
အစားစားဖြစ်ပါတယ် ...... ဟု အင်းတော်မြို့နယ် လက်ပံကနုးရွာ တူရိယာလုပ်ငန်း လုပ်ကိုင်သည့်
လူတစ်ဦးက ပြောပြခဲ့သည်။
အဆိုပါ
တူရိယာလုပ်ငန်းလုပ်ကိုင်သူများသည် ယခင်က ကုက္ကိုသား နှင့်သရက်သားများ ၊ ပိတောက်သား
များ ပေါများမှုရှိခဲ့သော်လည်း ယခုအခါတွင် အပင်ကြီးများမှာ တစ်နေ့တစ်ခြား
ရှားပါးလာသည့်အတွက်ကြောင့် တူရိယာလုပ်ငန်းများ လုပ်ကိုင်သည့်အခါတွင်လည်း ယခင်ကလို
စည်ကြီးထွင်းခြင်းကို ဦးစားပေး ဆောင်ရွက်ခြင်း မရှိတော့ပဲ အိုးစည် ၊ ဒိုးပတ် ၊
ဗျောလောက်သာ ဦးစားပေး ဆောင်ရွက် ထွင်းသည့်လုပ်ငန်းများကိုသာ လုပ်ကိုင် နေကြသည်ကို
တွေ့ရှိရသည်။ သို့သော်လည်း ယခုအခါတွင် တူရိယာလုပ်ငန်းဖြင့် လုပ်ကိုင်ထားသော
ပစ္စည်းများ မှာ အချို့ အရွယ်အစားအလိုက် ရောင်းချလျက်ရှိရာတွင်
တစ်ချို့တူရိယာပစ္စည်းများမှာလည်း တစ်မျိုးလျှင် ငွေ ၆၀၀၀၀ိ/- သော်လည်းကောင်း ၊
၅၀၀၀၀ိ/-သော်လည်းကောင်း ၊ ၄၀၀၀၀ိ/- သော်လည်းကောင်း ၊ ၃၀၀၀၀ိ/- သော်လည်းကောင်း
အရွယ်အစားအလိုက် ရောင်းချလျက်ရှိရာတွင် ထိုလုပ်ကိုင်သူများမှာ မိမိတို့
တစ်ပိုင်တစ်နိုင် ၀င်ငွေများသည် နေ့စဉ် တွက်ချေကိုက်လျက်ရှိနေကြကြောင်း သိရသည်။
နေကိုကို
(အင်းတော်)
