(နေကိုကို-အင်းတော်)
ပုရစ်ရာသီ
ရောက်ပြီဖြစ်သောကြောင့် စစ်ကိုင်းတိုင်းဒေသကြီး ၊ ကသာခရိုင် ၊ အင်းတော်မြို့
ဈေးကွက်တွင် ၂၀၁၃ ခု ၊ အောက်တိုဘာလ (၁၀)ရက်နေ့ ၊နံနက် (၇း၀၀)နာရီအချိန်ခန့်တွင်
ပုရစ်များမှာ အရောင်းသွက်လျက် ရှိနေကြကြောင်းသိရသည်။
…….
ကျွန်တော်တို့က ပုရစ်တွေကို ကျွန်တော်တို့ရဲ့ရွာမှာ ညကို မီးပြောင်းနဲ့
မီးထွန်းတာဖြစ်ပါတယ်။ ပုရစ် ကျတာကတော့ ည (၁၂)နာရီအချိန်လောက်က စကျပါတယ်။
နှစ်တိုင်းကတော့ ဒီနှစ်ရက်လောက် မကျလှဘူး။ ဒီနေ့ကတော့ ကျွန်တော်တို့ကို
ထူးထူးခြားခြားပဲ နှစ်တင်းဝင် ဒီစူပါအိတ် သုံးလုံးအပြည့်ရပါတယ်။ အင်းတော်ဈေးမှာ
အခုရောင်းတဲ့အခါမှာတော့ ပုရစ်အကောင် ၁၀၀ ကို ငွေတစ်ထောင်ကျပ်နှုန်းနဲ့
ရောင်းရပါတယ်။ ပုရစ်ရောင်းရတာကတော့ သိပ်မကြာလိုက်ပါဘူး။ (၁၀)မိနစ်အတွင်းမှာ
ပါလာတဲ့ဒီစူပါအိတ်ထဲမှာ ထည့်ထားတဲ့ ပုရစ်တွေအားလုံးဟာ
အားလုံးကုန်သွားတာပဲဖြစ်ပါတယ် …..ဟု အင်းတော်မြို့နယ် မိုးယူရွာမ ဦးမောင်ဦးက
ပြောပြခဲ့သည်။
အောက်တိုဘာလအတွင်းတွင်
မိုးမပြတ်မပြတ် ရွာနေစဉ်ကာလ၌ ပုရစ်များ ကျခြင်းမရှိသော်လည်း မိုးပြတ်သည်နှင့်အမျှ
ပုရစ်များမှာ ထူးထူးခြားခြားပင် ကျခဲ့သည့်အတွက်ကြောင့် နံနက်မိုးလင်းသည်နှင့်
ပုရစ် မီးထွန်းလို့ရရှိသူများမှာ အင်းတော်ဈေးကွက်သို့ ရောင်းချလျက်ရှိရာ
အရောင်းသွက်လျက် ရှိခဲ့ကြောင်း သိရသည်။
…….
ကျွန်တော်တို့ ဒီပုရစ်တွေကို ၀ယ်ယူရတာကတော့ တစ်ခြားကြောင့်မဟုတ်ပါဘူး။ အင်းတော်ကနေ
ဗန်းမောက်မြို့နယ် ရွှေတော် ရွှေမှော်မှာရှိတဲ့ ဈေးတန်းကို ဆိုင်ကယ်နဲ့
သွားရောင်းမှာဖြစ်ပါတယ်။ ရွှေမှော် ဈေးတန်း ရောက်ရင်တော့ ပုရစ် အကောင် ၁၀၀ လျှင်
ငွေ ၃၀၀၀ကျပ်နှုန်းတော့ ရောင်းရမှာဖြစ်ပါတယ်။ ဘာကြောင့်လဲဆိုတော့ အဲ့ဒီလိုဈေးမှ
မရောင်းရရင်လည်း ကျွန်တော်တို့အတွက် တွက်ချေမကိုက်ပါဘူး။ ဒီဈေး ရောင်းရရင်တော့
ကျွန်တော်တို့အတွက် တွက်ချေလည်းကိုက် ရောင်းရကျိုးလဲနပ် ၊ သွားခလာခလည်း ကျန်မှာ
ဖြစ်ပါတယ် ……. ဟု အင်းတော်မှနေ ရွှေတော်ရွှေမှော်သို့ သွားရောင်းမည့်
ပုရစ်ဝယ်သူတစ်ဦးက ထပ်မံ ပြောပြ ခဲ့သည်။
အင်းတော်မြို့
ဈေးအတွင်းရှိ ပုရစ်ရောင်းသူနှင့် ပုရစ်ဝယ်သူများမှာ လူများတိုးမပေါက်အောင်ပင်
အလုအယက် ၀ယ်ယူလျက် ရှိနေကြကြောင်း သိရသည်။
No comments:
Post a Comment