အင်းတော်မြို့ အ-ထ-က ကျောင်းသား/သူဟောင်းများ၏ အာစရိယ ပူဇော်ပွဲ ဒီဇင်ဘာ (၂၇) ရက် သတ်မှတ်

(ပေါင်ရှည်)

အင်းတော်မြို့ ၊ အ-ထ-က ကျောင်းသား/ကျောင်းသူ ဟောင်းများ၏ အာစရိယပူဇော်ပွဲကို တတိယအကြိမ် ကြိုတင်ညှိုနှိုင်းအစည်းအဝေးပွဲ ပြုလုပ်သည့် (၁၂-၁၀-၂၀၁၃) ရက်နေ့တွင် အာစရိယပူဇော်ပွဲနေ့အား ဒီဇင်ဘာ (၂၇) ရက်နေ့ကို

သတ်မှတ်လိုက်ကြကြောင်းသိရသည်။

အစည်းအဝေးတွင် ကျောင်းသားဟောင်းတစ်ဦး ဦးဆောင်သူဖြစ်သည့် ဦးအောင်သူအား မေးမြန်းရာတွင်

…… ဒီအစည်းအဝေးမှာ ကြိုတင်စီစဉ်ရမယ့်အရာတွေအားလုံးကို စိတ်ဝင်စားတဲ့ ကျောင်းသား/သူတွေ နဲ့ တွေ့ဆုံပြီး

ဆွေးနွေးကြတာပါ။ အခုတော့ အာစရိယပူဇော်ပွဲအတွက် အလုပ်တွေကို စတင်လုပ်ရမယ့်အချိန်ရောက် သွားပါပြီ။ဒီအစည်းအဝေးကပဲ ဒီဇင်ဘာာ (၂၇)ရက်ကို အာစရိယပူဇော်ပွဲနေ့အဖြစ် တစ်ညီတစ်ညွတ် သတ်မှတ်လိုက်ကြပါပြီ။

ပညာသင်နှစ်အလိုက် အလှူငွေ ကောက်ခံမယ့်သူတွေကိုလည်း သတ်မှတ်လိုက်ပြီဆိုတော့ အလှူငွေတွေကိုလည်းစတင်လက်ခံပါပြီခင်ဗျာ။ နောက်တစ်ချက်က ဗွီနိုင်း ကြော်ငြာတွေကို စတင်ကပ်တော့မှာဖြစ်ပါတယ်။ ဟုတ်ကဲ့ အဝေးရောက်နေတဲ့ ကျောင်းသားတွေလည်း ဆက်သွယ်လို့ရအောင် သတင်းစာထဲ ထည့်တဲ့အခါမှာ ဖုန်းနံပါတ်

တွေလည်း ထည့်သွင်းမှာပါ ….. ဟု ဦးအောင်သူမှ ပြောကြားသွားခဲ့သည်။

အာစရိယပူဇော်ပွဲအား ယခုနှစ်ကျင်းပရာတွင် ထူးခြားမှုအဖြစ် နှစ်အလိုက်ကန့်သတ်ထားမှုမရှိပဲ ကျောင်းသား/သူ ဟောင်းများမည်သူမဆို တက်ရောက်နိုင်ပြီး ကျောင်းသား/သူ ဟောင်းမှန်သမျှလည်း စည်းလုံးညီညွတ်စွာ

ပါဝင်ကူညီလုပ်ဆောင်နိုင်ကြောင်းကိုလည်း ဦးဆောင်သူ ကျောင်းသား ဟောင်း ဦးနီတိုး မှ ထပ်မံပြောကြားခဲ့သည်။စိတ်ပါဝင်စားစွာဖြင့် အစည်းအဝေးတွင်တက်ရောက်ခဲ့ကြသော ကျောင်းသား/သူ ဟောင်း (၅၀)ခန့်အား

မိမိတို့ကဏ္ဍအလိုက် လုပ်ဆောင်ကြရမည့် တာဝန်များကိုလည်း စနစ်တကျခွဲဝေပြီး လုပ်ဆောင်နိုင်ရန်အတွက်ကော်မတီအဖွဲ့များကို ဖွဲ့စည်းပြီးဖြစ်သည့်အလျောက် လုပ်နိုင်သူများအားလုံး ကော်မတီတွင် ပါဝင်သည်ဖြစ်စေ ၊ မပါဝင်သည်ဖြစ်စေ အာစရိယပူဇော်ပွဲတွင် ပါဝင် ပူးပေါင်းလုပ်ဆောင်ကြရန်  လိုအပ်ကြောင်းကိုလည်း

ဦးအောင်သူမှ အစည်းအဝေးတွင် ပြောကြားခဲ့ကြောင်းကိုလည်း သတင်းရရှိသည်။

မန်လည်ဂိုဏ်းချုပ် နာယကဆရာတော် မွေးနေ့ပွဲကျင်းပ

လေပွေနီ (အင်းတော်)

          စစ်ကိုင်းတိုင်းဒေသကြီး ၊ ကသာခရိုင် ၊ အင်းတော်မြို့နယ် မန်လည်ဂိုဏ်းချုပ် နာယကဆရာတော်ဖြစ်သည့် လယ်ပြင်-သီဘာ သာသနာ့ဝေပုလ္လကျောင်းတိုက် ကျောင်းထိုင်ဆရာတော် ဘဒ္ဒန္တ

ဦးပညာသာမိသည် ၁၃၇၅-ခု ၊ သီတင်းကျွတ်လဆုပ် (၅)ရက် ၊ ကြာသပတေးနေ့တွင် သက်တော် (၇၅)နှစ် ၊ ၀ါတော် (၅၅)၀ါ အရတွင် အဆိုပါရက်နေ့ နံနက် (၆)နာရီအချိန်မှ မွန်းလွှဲ (၂)နာရီအချိန်အထိ ယင်းကျောင်းတိုက် တွင် မွေးနေ့ပွဲကျင်းပခဲ့ကြောင်း သိရသည်။

          ……. မွေးနေ့ပွဲ ကျင်းပတာကတော့ဆရာတော်အတွက် အတော်လေးထူးခြားပါတယ်။ ဘာကြောင့်လဲ ဆိုတော့ ဆရာတော်ရဲ့ မွေးနေ့ပွဲကျင်းပတဲ့နေ့မှာ နှစ်တိုင်းကျင်းပတာနဲ့တော့ မတူပါဘူး။ ဒီနှစ်ကတော့ မွေးရက် ၊ မွေးလ ၊ မွေးနေ့ပါတိုက်ပါတယ်။ နောက်ပြီးတော့ ဆရာတော်ကြီးရဲ့မွေးနေ့ကို အသံကြားနဲ့ ကြွလာကြတာက ကျွန်တော်တို့ အင်းတော်မြို့နယ် ထဲက သံဃာတွေသာမကဘူး။ ထီးချိုင့်မြို့နယ် မှာရှိတဲ့ ထီးချိုင့်မြောက်ပြင်က သံဃာတွေအချို့လည်း ဆရာတော်ကြီးရဲ့မွေးနေ့ကို ကြွရောက်လကြပြီးတော့ ဆရာတော်ကြီးကို ကန်တော့ ကြတယ်။

အခုလဲ ဆရာတော်ကြီးရဲ့ မွေးနေ့မှာ သံဃာအပါး (၆၀)ကျော် ကြွရောက်ပြီးတော့ အဲ့ဒီနေ့မှာပဲ သံဃာတော်တွေက ဆရာတော်ကြီးကို ကန်တော့ပြီးမှ ပြန်ကြတယ်။ နောက်ပြီးတော့ ကျွန်တော်တို့ ကျေးရွာနှစ်ရွာရဲ့ ဒါယကာ ၊ ဒါယိကာမတွေကိုလည်း ဆရာတော် ကြီးက အဲ့ဒီနေ့မှ သြ၀ါဒပေးသလို ရွာဟောင်းရွာ ၊ ဂဟဲရွာ ၊ မိုးယူငါးရွာက ဒါယကာ ၊ ဒါယိကာမတွေကိုလည်း တရားသြ၀ါဒ မိန့်ကြားခဲ့ပါတယ်။ ဒါကြောင့်မို့ အခုကျင်းပတဲ့ ဆရာတော်ကြီးရဲ့မွေးနေ့ကတော့ လေးကြိမ်မြောက် ရှိပြီဖြစ်ပါတယ် ……. ဟု အင်းတော်မြို့နယ် ၊ လယ်ပြင်ကျေးရွာအုပ်စု ၊ အုပ်ချုပ်ရေးမှူး ဦးရုံးရွှေက ပြောပြခဲ့သည်။

           အဆိုပါ ဆရာတော်ကြီး၏ မွေးနေ့ပွဲကျင်းပသည့်နေရာသို့ အင်းတော်မြို့နယ်သံဃာတော်များနှင့် ထီးချိုင့် မြို့နယ်အတွင်းရှိ သံဃာတော်အချို့ တက်ရောက်ခဲ့ကြပြီး အင်းတော်မြို့ ရှိ သင်္ကန်းအလှူရှင်များနှင့် ဆွမ်းအလှူ ရှင်များ ရွာဟောင်းရွာ ၊ ဂဟဲရွာ ၊ မိုးယူ ငါး ရွာရှိ ဒါယကာ ၊ ဒါယိကာမများနှင့် လယ်ပြင်သီဘာ ၊ ဒါယကာ ၊ ဒါယိကာမများ တက်ရောက်ခဲ့ကြကြောင်းသိရသည်။

မန္တလေး-မြစ်ကြီးနား မီးရထားလမ်းပိုင်းရှိ မဲဇာနှင့် ဘုံချောင်းကြားတွင်ရှိသော သဲချောင်းကျေးရွာတွင် ရပ်ဘူတာစခန်း ဖွင့်လှစ်

(သက်နောင်-အင်းတော်)

          စစ်ကိုင်းတိုင်းဒေသကြီး ၊ ကသာခရိုင် ၊ အင်းတော်မြို့နယ်နှင့် ၀န်းသိုမြို့နယ် နှစ်မြို့နယ် ဆက်စပ်လျက်ရှိ သော မဲဇာနှင့်ဘုံချောင်းကြားရှိ မီးရထားလမ်းမိုင်တိုင်အမှတ် ၅၇၀/၁၉ ရှိ အင်းတော်မြို့နယ် ၊ နတ်ရေတွင်း ကျေးရွာအုပ်စု ၊ သဲချောင်းကျေးရွာတွင် ၂၅-၁၀-၂၀၁၃ ရက်နေ့ နံနက် ၁၀ နာရီအချိန်မှ နံနက် ၁၁ နာရီအချိန် အထိ မီးရထားရပ်နားစခန်းဘူတာ ဖွင့်လှစ်ခဲ့ကြောင်း သိရသည်။

          ……. အခုလို သဲချောင်းကျေးရွာက ဒေသခံတွေအတွက် သွားရေးလာရေးလွယ်ကူအောင် ရပ်နားစခန်း ဘူတာ ဖွင့်လှစ်လိုက်တာကတော့ ကောင်းပါတယ်။ ဘာကြောင့်လဲဆိုတော့ အရင်ကဆိုရင် ဒီကျေးရွာလေးဟာ သွားရေးလာရေးမှာလည်း အတော်လေးခက်ခဲတဲ့နေရာတွေဖြစ်တယ်။ နောက်ပြီးတော့ အင်းတော်မြို့သို့ ခရီးသွားလာတဲ့အခါမှာလည်း ချောင်းကတစ်တန် ၊ မဲဇာမြစ်ကတစ်တန် ခြားထားတော့ သွားရေးလာရေးက ခက်ခဲ မှုတွေ အတော်လေးရှိပါတယ်။ ဒီလိုရှိတဲ့အချိန်မှာ အခုလို ရပ်နားစခန်းဘူတာလေး ဖွင့်လှစ်လိုက်တာကိုတော့ ကျွန်တော်တို့ မြို့နယ်က လူကြီးတွေအနေနဲ့လည်း အားရကျေနပ်မိပါတယ်…… ဟု အင်းတော်မြို့နယ် တိုင်းဒေသကြီး လွှတ်တော်ကိုယ်စားလှယ် ဦးစံရွှင်က ပြောပြခဲ့သည်။

          အဆိုပါ မီးရထား ရပ်စခန်းဘူတာဖွင့်ပွဲသို့ အင်းတော်မြို့နယ် ပြည်သူလွှတ်တော်ကိုယ်စားလှယ် ဦးကျော်နိုင်ဌေး ၊ တိုင်းဒေသကြီးလွှတ်တော်ကိုယ်စားလှယ် ဦးစံရွှင်နှင့် မြို့နယ်ဌာနဆိုင်ရာ အရာရှိများ ဒေသခံ ပြည်သူများ စုစုပေါင်း ပြည်သူလူထုအင်အား (၆၀၀)ကျော်ခန့် တက်ရောက်ခဲ့ကြကြောင်းသိရသည်။

          …… အခုပြေးဆွဲနေတဲ့ မန္တလေး-နဘား ခေါက်ပြန်ရထား ဖြစ်တဲ့ ၄၇-၄၈ ရထားတစ်စင်းကတော့ သဲချောင်း ရပ်စခန်းဘူတာမှာ နေ့စဉ်ရပ်တန့်သွားမှာဖြစ်ပါတယ်။ စပြီးမှ ရပ်တဲ့ရက်ကတော့ အခုအောက်တိုဘာလ

၂၅ ရက်နေ့က စရပ်တာပဲဖြစ်ပါတယ်။ အခုလို ရထားလဲရပ်ပြီဆိုတော့ ဒေသခံတွေအတွက် တစ်စိတ်တစ်ဒေသတော့ ပျော်ရွှင်မှုရလာဒ်အစလို့ ဆိုရမှာဖြစ်ပါတယ်။ ဘာကြောင့်လဲဆိုတော့ ရပ်စခန်းဘူတာမှာ အမှတ် ၄၁ အဆန် နဲ့ အမှတ် ၄၂ အစုန် ဒုတိယအမြန် ရထားကတော့ လောလော ဆယ်တော့ မရပ်သေးပါဘူး။ နောင်ကို အဆောက်အဦးတွေပြီးရင်တော့ သက်ဆိုင်ရာ အကြီးအကဲတွေက စီစဉ် ဆောင်ရွက်သွားမယ်လို့ ထင်ပါတယ် ….. ဟု အင်းတော်မြို့နယ် သဲချောင်းကျေးရွာရှိ ဒေသခံတစ်ဦးက ပြောပြ ခဲ့သည်။

          ယင်းရပ်စခန်းဘူတာဖွင့်ပွဲတွင် အင်းတော်မြို့နယ် ပြည်သူ့လွှတ်တော်ကိုယ်စားလှယ် ဦးကျော်နိုင်ဌေးနှင့် တိုင်းဒေသကြီးလွှတ်တော်ကိုယ်စားလှယ် ဦးစံရွှင်တို့က အသီးသီးအမှာစကားများ ပြောကြားခဲ့ကြကြောင်း သိရသည်။