စစ်ကိုင်းတိုင်းဒေသကြီး
၊ ကသာခရိုင် ၊ အင်းတော်မြို့နယ် ၊ သီလရွာတွင် ၆-၁၀-၂၀၁၃ (၀၁၃၀) အချိန်ခန့် တွင်
အင်းတော်မြို့မရဲစခန်းမှူး ဒုရဲမှူး မျိုးညွန့်သန်း၏ လမ်းညွှန်ကြီးကြပ်မှုဖြင့်
အင်းတော်ရဲစခန်း နယ်ထိန်း ခေါင်းဆောင် ဒုရဲအုပ် သောင်းစိန်ထွန်းနှင့်
မော်တိတ်ရဲကင်းမှူး ဒုရဲအုပ် အောင်မျိုးမြင့် တို့နှင့်အတူ နယ်ထိန်း
ရဲတပ်ဖွဲ့ဝင်များဖြစ်ကြသည့် ရဲတပ်ကြပ် ကျော်မင်းထိုက် ၊ ရဲတပ်သား
မြင့်နိုင်တို့သည် အသိသက်သေများနှင့် အတူ မူးယစ်ဆေးဝါး သတင်းရရှိထားသော နေအိမ်သို့
ဝင်ရောက်ရှာဖွေရာ မူးယစ်ဆေးဝါးများနှင့်အတူ ဖမ်းဆီးမိ ခဲ့ကြောင်း သိရသည်။
ဖြစ်စဉ်မှာ
(၆-၁၀-၂၀၁၃)နေ့ (၀၁၃၀) အချိန်ခန့်တွင် ဒုရဲအုပ်သောင်းစိန်ထွန်း
ဦးဆောင်သည့်အဖွဲ့သည် အသိသက်သေများနှင့်အတူ မူးယစ်ဆေးဝါးသတင်းအရ
မြို့နယ်ရဲတပ်ဖွဲ့မှူး၏ ၀ရမ်းအမှတ် (၃၉/၂၀၁၃)ဖြင့် အင်းတော်မြို့နယ် ၊ သီလရွာနေ
မောင်ဌေး၏ နေအိမ်အား ၀င်ရောက်ရှာဖွေခဲ့ရာတွင် နေအိမ်ပေါ်၌ မောင်ဌေး အားတွေ့ရှိရပြီး
နေအိမ်အပေါ်ထပ် မောင်ဌေး၏အ်ိမ်ခေါင်းရင်းရှိ ခေါင်းအုံးဘေး ကြမ်းပြင်ပေါ်မှ
ဘိန်းမဲဟု ယူဆရ သော အမဲရောင်အစေး အလေးချိန် (၁.၅)ဂရမ်ခန့်ပါ ဘူးတစ်ဘူး နှင့်
မောင်ဌေး၏ နေအိမ်ဘုရားခန်း နံရံတွင် ချိတ်ဆွဲထားသော ၀ါးနှီးဖြင့် ပြုလုပ်ထားသည့်
ပလုတ်တောင်းအသေးအတွင်းမှ အမဲရောင်အစေး အလေးချိန် (၁၂)ဂရမ်ခန့် တစ်ထုပ် စုစုပေါင်း
အလေးချိန် (၁၃.၅)ဂရမ်ခန့်နှင့် အတူ မီးဖိုခန်းအတွင်း ဘိန်းချက်ရာတွင် အသုံးပြုသော
ပစ္စည်းများတွေ့ရှိရပြီး သက်သေများရှေ့မှောက်တွင် ဒုရဲအုပ်သောင်းစိန်ထွန်းသည်
ရှာဖွေ ပုံစံဖြင့် ပြုလုပ်ကာ သိမ်းဆည်းခဲ့ကြောင်း သိရသည်။
ဖမ်းဆီးရမိခံ
မောင်ဌေး၏ ထွက်ဆိုချက်အရ သိမ်းဆည်းရမိသော ဘိန်းမဲများဟု ယူဆရသော ပစ္စည်းများမှာ
(၃၀-၁၀-၂၀၁၃) ရက်နေ့တွင် အင်းတော်မြို့နယ် မြသီတာရွာနေ ဇော်ဇော်ဦးထံမှ ငွေ
နှစ်သောင်း ကျပ်ဖိုး ၀ယ်ယူခဲ့သော ပစ္စည်းများဖြစ်ကြောင်း စစ်ဆေးပေါ်ပေါက်ချက်အရ
ဒုရဲအုပ်သောင်းစိန်ထွန်းနှင့် အဖွဲ့သည် မြသီတာရွာသို့ သွားရောက်ကာ
အသိသက်သေများနှင့်အတူ ယင်းရက်နေ့ (၀၂၀၀)အချိန်တွင် ဇော်ဇော်ဦးအား သွားရောက်ဖမ်းဆီးခဲ့ပြီး
ဇော်ဇော်ဦး၏ နေအိမ်သို့ မူးယစ်ဆေးဝါး များကို ရှာဖွေရာတွင် တစ်စုံတစ်ရာမှ မတွေ့
ရှိခဲ့ရကြောင်း သိရသည်။
အဆိုပါ မူးယစ်ဆေးဝါးဘိန်းမဲဟု ယူဆရသော
ပစ္စည်းများနှင့်အတူ တွေ့ရှိခဲ့သည့် အင်းတော်မြို့နယ် သီလရွာနေ(၁) (ဘ)ဦးတင်ညွန့်၏
သား မောင်ဌေး ၊ အသက်(၂၄)နှစ် နှင့်အတူ (၂) အင်းတော် မြို့နယ် ၊ မြသီတာရွာနေ အဖ
ဦးဖိုးအောင်၏ သား ဇော်ဇော်ဦး ၊ အသက် (၃၅)နှစ်တို့ နှစ်ဦးကို သက်သေခံ ပစ္စည်း
များဖြစ်သည့် (၁) ဘိန်းမဲဟု ယူဆရသော အမဲရောင်အစေးများ ထည့်ထားသည့် အလေးချိန်
(၁.၅)ဂရမ်ခန့် ပလတစ်စတစ်ဘူး အ၀ါရောင် (၁)ဘူး ၊ (၂) သစ်စေးသုတ်ထားသည့် ၀ါးနှီးဖြင့်
ရက်လုပ်ထားသော အဖုံးပါ ပလုတ် တောင်းအသေးတစ်လုံး ၊ (၃) ပလတ်စတစ်အကြည်စဖြင့်
ထုတ်ထားသည့် ဘိန်းမဲဟု ယူဆရသော အလေးချိန် (၁၂)ဂရမ်ခန့်ပါ တစ်ထုပ် (၄)
အချိုရည်ဘူးခွံဖြင့် ပြုလုပ်ထားသော ဘိန်းချက်ရာတွင် အသုံးပြုသည့် တော်ပါ
ပြောင်းတစ်ခု (၅) ဘိန်းချက်ရာတွင် အသုံးပြုသော ဒန်ဇွန်းခွက်ကြီးတစ်ချောင်း (၆)
ဘိန်းချက်ရာတွင် အသုံးပြုသော ၀ါးခတ်တံ နှစ်ချောင်းတို့နှင့်အတူ
တွေ့ရှိခဲ့ရသည့်အတွက်ကြောင့် အဆိုပါနှစ်ဦးကို အင်းတော် ရဲစခန်းမှ မယ(ပ) ၂၆/၂၀၁၃ ၊ မူးစိတ်
၁၅/၁၆(ဂ)/၂၁ အရ အမှုဖွင့်အရေးယူ ဆောင်ရွက်ထားကြောင်း သိရသည်။
လေပွေနီ
(အင်းတော်)
No comments:
Post a Comment