ကျန်းမာရေး ချို့ယွင်းလျက်ရှိနေသော မဲဇာမြစ်ကို ဒေသခံပြည်သူများ ၀ိုင်းဝန်းပြီး ကျန်းမာရေး စောင့်ရှောက်ဖိုိ့လို

(သက်နောင်-အင်းတော်)

စစ်ကိုင်းတိုင်းဒေသကြီး ၊ ကသာခရိုင် ၊ ဗန်းမောက်မြို့နယ် ၊ အင်းတော်မြို့နယ် ၊ ထီးချိုင့်မြို့နယ် အတွင်းသို့

ဖြတ်သန်းစီးဆင်းလျက်ရှိသော မဲဇာမြစ်ရေသည် ရှေးယခင်ကာလများက သန့်ရှင်းကြည်လင်ခြင်းများ

ရှိခဲ့သလို မဲဇာမြစ်ဘေးဝန်းကျင်တွင်လည်း တောတောင်စိမ့်စမ်းများမှာ ထူထပ်လျက်ရှိသောကြောင့်

သဘာဝရှုခင်းများသည် သာယာလှပမှုများ ရှိခဲ့ကြကြောင်း သိရသည်။ သို့သော်လည်းယခုအခါတွင် ခေတ်နှင့်

လျော်ညီစွာ ဖွံ့ဖြိုးတိုးတက်လာသည်နှင့်အမျှ မဲဇာမြစ်ရိုးတစ်လျှောက်မှာလည်း တရုတ်အင်ဂျင် စက်ကြီး များဖြင့်တပ်ဆင်ကာ ပိုက်များသွယ်တန်းပြီး မဲဇာမြစ်အတွင်း၌ ရွှေမျှောတိုက်ကာ ရွှေတူးဖေါ်သူများမှာ နေ့စဉ်နှင့်အမျှ

ရှိနေကြသောကြောင့် ဗန်းမောက်မြို့နယ်အတွင်းမှ မဲဇာမြစ်ရိုးသည်လည်း တစ်နေ့တစ်ခြား တိမ်ကော လာသလိုအင်းတော်မြို့နယ်အတွင်းတွင် ရှိသော တာပေါကျေးရွာအနီးနှင့် ကျွဲကူး-ဆိပ်သာ-ရွှေငှက်-မန်ဖာ- ကျွဲကောလေးရွာကြားတွင်ရှိသော မဲဇာမြစ်ရိုးအတွင်းတွင် ရွှေတူးဖေါ်သူများ ရှိနေသောကြောင့် အဆိုပါ မဲဇာမြစ်ကမ်းပါး အနီးမှအခင်းယာမြေကွက် အချို့တို့မှာလည်း ကာလတန်ဘိုး ဈေးများ မြင့်တက်ကာ ရောင်းချနေကြရ သောကြောင့်

ရွှေကွက်ဝယ်သူများကလည်း ယင်းအကွက်များကို ၀ယ်ယူပြီးမှ ရွှေများတူးဖေါ် လုပ်ကိုင်လျက် ရှိနေကြ သည့်အတွက်ကြောင့် မဲဇာမြစ်အတွင်းတွင် သဲသောင်ခုံများမှာ တစ်နေ့တစ်ခြား ထူထပ် များပြားလာပြီး ရေစီးကြောင်းများမှာလည်း တစ်နေ့တစ်မျိုး ပြောင်းလဲ စီးဆင်းလျက်ရှိကာ မဲဇာမြစ်မှာလည်း ချို့ယွင်းပျက်စီးမှုများမြန်ဆန်လျက်ရှိလာကြောင်း သိရသည်။

…….. ကျွန်မတို့ ရွာဘက်ကတော့ ရွှေတူးတာမဟုတ်ပါဘူး။ ကျွဲကောလေးဖက်ကမ်းက စိန်ရွှေဌေး

ကုမ္ပဏီရဲ့ ရွှေလုပ်ကွက်က သဲစာတွေ မဲဇာမြစ်အတွင်းထဲကို ကျလာတဲ့အခါမှာ မဲဇာမြစ်ဟာလည်း ကျွန်မတို့နေထိုင်တဲ့ ဆိပ်သာရွာဘက်ကို ရေကြောင်းပြောင်းလဲ စီးဆင်းလာပါတယ်။ အဲ့ဒါကြောင့် ကျွန်မတို့ ရွာက နေထိုင်တဲ့မြစ်ကမ်းပါးတွေ ရေတိုက်စားမှာစိုးလို့ ကျွန်မတို့ကတော့ ချောင်းကမ်းပါးဖက်ကို သဲစာမှုတ်တင်တာဖြစ်ပါတယ်။ စိန်ရွှေဌေး ကုမ္ပဏီဖက်မှာ ရွှေတူးဖေါ်နေတဲ့ ရွှေမျှောတွေကတော့ အရင်ကတော့ အတော်လေးရကြတယ်။ ဒါပေမဲ့ လောလောဆယ်ကတော့ မကိုက်လို့ ထွက်ကုန်ကြတဲ့ ရွှေမှုံတွေလည်းရှိပါတယ်။ အရင်တုံးကဆိုရင် လုပ်ခါစတော့ အတော်လေးကိုပါ့ရကြတယ်။ ဆိပ်သာဖက်ကတော့ ရွှေမျှောပါ့တိုက်အုံး ရွှေတစ်မျှောမှ

တစ်နေ့ကို လေးငါးရွေးလောက်ပဲရတယ်။ ကုမ္ပဏီဖက်ကတော့ တစ်ရက်ကို တစ်ခါတစ်လေကျတော့လည်း

တစ်ကျပ်ငါးမူးတော့ ရကြတယ်။ ဒါပေမဲ့ ကျွန်မတို့က ကုမ္ပဏီကို လစဉ်ကြေးမပေးနိုင်လို့ အဲ့ဒီကျွဲကောလေး

ဖက်မှာ သွားမလုပ်ပါဘူး။ မလုပ်နိုင်လို့ပါ။ သူတို့ ကုမ္ပဏီကို တစ်လကို ရွှေတစ်ကျပ်နှုန်း ပေးသွင်းပြီးမှ လုပ်နေကြတဲ့ တစ်ချို့ရွှေမှုံတွေကြတော့ တွက်ချေကိုက်ပါတယ်……. ဟု အင်းတော်မြို့နယ် ဆိပ်သာ

ရွာမှ မိန်းကလေးတစ်ဦးက ပြောပြခဲ့သည်။

အဆိုပါ မဲဇာမြစ်ရိုးသည် ယခင်ကာလက ရွှေလုပ်ကိုင်သူများ မရှိသည့်အတွက်ကြောင့် မဲဇာမြစ်အတွင်း စီးဆင်းသည့် ရေများမှာလည်း နှစ်စဉ်နှစ်တိုင်း ကြည်လင်သန့်ရှင်းမှုရှိပြီး ဒေသခံပြည်သူများအတွက်လည်း

အကျိုးပြုလျက် ရှိနေသော မြစ်တစ်မြစ်ဖြစ်သည်။ ထိုမြစ်သည် ယခုအခါတွင် ဗန်းမောက်မြို့နယ်အတွင်း

ရှိ ဘူးတောင်းကျေးရွာ ၊ လေသာကုန်းကျေးရွာ ၊ ခေါင်းတုံးကျေးရွာ ၊ ကလပ်ကျေးရွာ ၊ အင်းပေါက်ကျေးရွာ

နောင်မီကျေးရွာ ၊ မန်ထုံကျေးရွာ ၊ တာမကျိုင်းကျေးရွာ ၊ မဲတောကျေးရွာ ၊ပန်းတောကျေးရွာ ၊ ဥမင် ကျေးရွာကျွန်းကုန်းကျေးရွာ ၊ ပင်လုံကျေးရွာ ၊ တုံးလှော်ကျေးရွာ ၊ ကိုင်းကြီးကျေးရွာ ၊ ခေါင်းကိုက်ကျေးရွာ ၊ ကျွဲကောကြီးကျေးရွာ ၊ တောင်ချောင်းပေါက်ကျေးရွာများသည် ဗန်းမောက်မြို့နယ်အတွင်းရှိ မဲဇာမြစ်ရိုး တစ်လျောက် မဲဇာမြစ်ရေကို အဓိကအားထားပြီးမှ နေထိုင်ကြသော ကျေးရွာများဖြစ်သလို အင်းတော်မြို့နယ်အတွင်းမှာလည်း

မြသီတာကျေးရွာ ၊ သီလရွာကျေးရွာ ၊ တုံးပုကျေးရွာ ၊ နန့်ဆင်-ကျွန်းတော ကျေးရွာ ၊ တာပေါကျေးရွာ ၊ ကျွဲကောလေးကျေးရွာ ၊ မန်ဖာကျေးရွာ ၊ ဆိပ်သာ ၊ ကျွဲကူး ၊ ရွှေငှက်ကျးရွာ ၊ ပျဉ်ထောင်ကုန်းကျေးရွာ ၊ မန်လည် ကျေးရွာ ၊ ၀ါးဖြူတောင်ကျေးရွာ ၊ လောင်းစုကျေးရွာ ၊ သစ်လှတောကျေးရွာ ၊ ညောင်ပင်သာကျေးရွာ ၊ တုံစီ ကျေးရွာ ၊ တံခွန်တိုင်ကျေးရွာ ၊ ပင်သချေကျေးရွာ ၊ မဲဇာကျေးရွာ ၊ ကျောက်အိုးကျေးရွာ ၊ ကွင်းချောင်းကျေးရွာလက်ပံတန်းကျေးရွာ ၊ သက္ကယ်ကျင်းကျေးရွာ ၊ ဂျုံးဂျုံးကျကျေးရွာ ၊ ထန်းတောကျေးရွာ ၊ ကျောက်ဆင်ကျေးရွာ

ကျောင်းကုန်းကျေးရွာ ၊ စကားပင်ကျေးရွာ ၊ ပိန္နဲကုန်းကျေးရွာ ၊ များသည် အင်းတော်မြို့နယ်အတွင်းရှိ မဲဇာမြစ်ရိုးတစ်လျောက် မြစ်ကမ်းဘေးဝဲယာများတွင် တည်ရှိသော ကျေးရွာများဖြစ်ပြီး မြစ်ရေကို အမှီသဟဲပြုကာ နေထိုင် ခဲ့ကြသော ကျေးရွာများဖြစ်ကြသည်။ ယခင်ကာလက ထိုကျေးရွာဒေသခံများသည် မဲဇာမြစ်အတွင်းရှိ မြစ်ရေ များကိုသာ ချိုးရေသုံးရေများ နေ့စဉ်သုံးစွဲကာ စိတ်ချမ်းသာကိုယ်ချမ်းသာ နေထိုင်ခဲ့ကြသော်လည်း ယခု အခါတွင်

မဲဇာမြစ်အတွင်း၌ ရေစီးဆင်းခြင်းမှာ နေ့စဉ်နှင့်အမျှ သန့်ရှင်းကြည်လင်ခြင်း မရှိဘဲ ရွှံ့ပုတ်ရေများသဖွယ်

နှောက်ကျိစီးဆင်းလျက်ရှိနေသောကြောင့် မြစ်ကမ်းဘေးဝဲယာ နေထိုင်ကြသော ကျေးရွာရှိ ဒေသခံပြည်သူ များမှာ နေ့စဉ်နှင့်အမျှ စိတ်ချမ်းသာမှုမရှိဘဲ မဲဇာမြစ်ရေ နှောက်ကျိမှုဒဏ်ကို ခံစားနေကြရကြောင်း သိရသည်။

……….. ကျွန်တော်တို့ ဗန်းမောက်မြို့နယ်နဲ့ အင်းတော်မြို့နယ်သာမကဘူး။ ထီးချိုင့်မြို့နယ်အတွင်းမှာလည်းမဲဇာမြစ်ရိုးတစ်လျှောက် ကမ်းဘေးဝဲယာမှာ နေထိုင်ကြတဲ့ ကျေးရွာဒေသခံ ပြည်သူတွေဟာလည်း ဒီရွှေတူးဖေါ်

နေကြတဲ့ သူတွေကြောင့် အခုလိုပဲ အထက်ကစီးဆင်းသွားတဲ့ ရွှံ့နွံရေတွေကို ကျွန်တော်တို့နဲ့အတူ မျှဝေ

ခံစားနေကြရပါတယ်။ အဲ့ဒီလိုခံစားနေရတဲ့အချိန်မှာ ကျွန်တော်တို့ဒုက္ခ ဖြစ်နေသလို မဲဇာမြစ်ကြီးဟာလည်း

လူလိုဆိုရင်တော့ တစ်နေ့တစ်ခြား ကျန်းမာရေး ထိခိုက်မှုဟာ အတော်လေး ဆိုးဝါးလာပါတယ်။ မဲဇာမြစ်ရဲ့

ကျန်းမာရေး ချို့တဲ့မှုကို ကျွန်တော်တို့ဒေသခံပြည်သူတွေ ၀ိုင်းဝန်းကူညီ ဂရုစိုက်ထိန်းသိမ်းဖို့ရာ လိုအပ်ပါတယ် ….ဟု အင်းတော်မြို့နယ် ဒေသခံတစ်ဦးက ထပ်မံပြောပြခဲ့သည်။

အင်းတော်မြို့နယ်အတွင်းရှိ ကျွဲကောလေးရွာနှင့် ဆိပ်သာရွာအကြားတွင်ကုမ္ပဏီတစ်ခု၏ ရွှေလုပ်ကွက်ကြောင့်

မဲဇာမြစ်အတွင်းသို့ သောင်ထွန်းကျခဲ့သော သဲသောင်ခုံကြီးသည် ပန်းချီကားချပ်လေးသဖွယ် သာယာလှပမှု

ရှိနေသော်လည်း မဲဇာမြစ်ကြီးကတော့ တစ်ဖြည်းဖြည်း ချို့ယွင်းပျက်စီးမှု မြန်ဆန်လာမည့် အလားအလာ ရှိနေကြောင်းသိရသည်။