စစ်ကိုင်းတိုင်းဒေသကြီး ၊ ကသာခရိုင် ၊ အင်းတော်မြို့နယ်
အတွင်းရှိ မိုးစပါးစိုက်ပျိုးရန်လျာထားချက် ဧက မှာ ၄၈၃၈၆ ဧက ဖြစ်သော်လည်း
အမှန်တကယ် မြို့နယ်အတွင်းရှိ စိုက်ပျိုးခဲ့သော လယ်ယာမြေဧကများမှာ စုစုပေါင်း ၄၉၉၈၁
ဧက ဖြစ်ကြောင်း သိရသည်။
.......
ကျွန်တော်တို့ အစက လျာထားတာထက် အမှန်တစ်ကယ်စိုက်ပျိုးလိုက်တဲ့အခါမှာ လျာထား
ချက်ထက် ကျော်လွန်ပြီး စိုက်ပျိုးနိုင်ခဲ့ပါတယ်။ ဒါကတော့ နောက်မိုးကောင်းလို့
ကျွန်တော်တို့ မြို့နယ် အတွင်းမှာ မိုးစပါးကို အပြည့်အ၀ စိုက်ပျိုးနိုင်တာပါ။
အစကတော့ ဒီလိုမှ မစိုက်နိုင်တော့ဘူးလို့ အောက်မေ့တာ .... ဟု အင်းတော်မြို့နယ်
မြို့နယ်မြေစာရင်းဦးစီးမှူး ဦးကျော်ကျော်လွင်က ပြောပြခဲ့သည်။
အင်းတော်မြို့နယ်
အတွင်းရှိ မိုးစပါး စိုက်ပျိုးလုပ်ကိုင်နေကြသည့် တောင်သူလယ်သမားများသည် ယခင်
မိုးဦးကာလဖြစ်သော ဇွန် ၊ ဇူလိုင် လဆန်းများကာလတွင် မိုးရွာသော်လည်း
မိုးရေမပါသည့်အတွက်ကြောင့် အချို့ တောင်သူ လယ်သမားများမှာ မိမိတို့လယ်ယာမြေများကို
လုပ်ငန်းခွင်များ ဆင်းရန် အခက်အခဲများ ကြုံတွေ့ ခဲ့ကြသည်။ သို့သော်လည်း
ဇူလိုင်လကုန် ၊ သြဂုတ်လဆန်းအတွင်း တွင် မိုးများ မကြာခဏ ရွာသည့်အခါ မိုးရေများ
ပါလာသည့်အတွက်ကြောင့် အင်းတော်မြို့နယ်အတွင်းရှိ တောင်သူလယ်သမားများသည်
မိုးစပါးများကို စနစ်တကျ စိုက်ပျိုးနိုင်ခဲ့ကြကြောင်းသိရသည်။
.......
ကျွန်တော်တို့ အင်းတော်မြို့နယ်မှာ ဒီနှစ်အတွင်း စိုက်ပျိုးခဲ့တဲ့
စပါးအမျိုးအစားတွေကတော့ လုံးသွယ်မွှေး စပါး စောရှုပ်စပါး ၊ ဆင်းသုံးစပါး ၊ မှောဘီစပါး
၊ ဆင်းသွယ်လတ် စပါး ၊ ရွှေဘို(၁)စပါး ၊ ပုလဲသွယ် စပါး ၊ ကောက်ညှင်းစပါး တွေကို
ကျွန်တော်တို့ အင်းတော်မြို့နယ်မှာ အများဆုံးစိုက်ပျိုးခဲ့ကြတာ ဖြစ်ပါတယ်။
နောက်ပြီးတော့ အခုစိုက်ပြီးသားစပါးတွေကလည်း ရေနှစ်ဆုံးရှုံးတာတွေလည်း မရှိသလို
အခြားအကြောင်းအရာ တွေနဲ့ ချို့ယွင်းပျက်စီးမှုတွေလည်း မရှိပါဘူး။ ဒီနှစ်ကတော့
ကျွန်တော်တို့ မြို့နယ်မှာ မိုးရာသီစပါး စိုက်ပျိုးတာ ၇၅% တော့
အပြည့်အ၀အောင်မြင်ဖြစ်ထွန်းပါတယ် ...... ဟု အင်းတော်မြို့နယ်
စိုက်ပျိုးရေးမန်နေဂျာ ဦးအေးနိုင် က ပြောပြခဲ့သည်။
စစ်ကိုင်းတိုင်းဒေသကြီး
၊ ကသာခရိုင် ၊ အင်းတော်မြို့နယ်အတွင်းရှိ မိုးရာသီ စပါး စိုက်ပျိုးလုပ်ကိုင်
နေကြသည့် တောင်သူလယ်သမားများသည်ယခင်နှစ်များထက် ယခုနှစ်တွင်
နောက်မိုးများကောင်းလာသည့် အတွက်ကြောင့် မိုးစပါးစိုက်ပျိုးခြင်းလုပ်ငန်းများကို
အပြည့်အ၀ စိုက်ပျိုးနိုင်ခဲ့ကြကြောင်းသိရသည်။
သတင်းပေးပို့သူ
- သက်နောင်
No comments:
Post a Comment