စစ်ကိုင်းတိုင်းဒေသကြီး ၊ ကသာခရိုင် ၊ အင်းတော်မြို့နယ်
နောင်မိုးကျေးရွာ အနီးရှိ ကားလမ်းဘေးဝဲယာ အချို့တို့တွင် အချို့တောင်သူများမှာ
ဂျွန်းပင်များကို တစ်ပိုင်တစ်နိုင်လုပ်ကိုင် စိုက်ပျိုးလာကြကြောင်း သိရသည်။
........
ကျွန်မတို့က ဂျွန်းပင်တွေကို နှစ်စဉ်ပဲ စိုက်ပျိုးလာတာပါ။ ဂျွန်းဥ ဖေါ်ချိန်ကတော့
မရောက်သေး ပါဘူး။ ဘာကြောင့်လဲဆိုတော့ ဂျွန်းဥဖေါ်တဲ့ အခါမှာတော့ ဂျွန်းဥ တစ်ပိဿာကို
၅၀၀ ကျပ်နှုန်းလောက် ရောင်း ရပါတယ်။ အခုကျွန်မတို့ စိုက်ထားတဲ့ဟာဆိုရင် ဂျွန်း
ပိဿာချိန် ၂၅၀ နီးပါးတော့ ရမယ်လို့ ထင်ပါတယ်။ဒါပေမဲ့ ဒါကတော့ ကျွန်မတို့
ရည်မှန်းထားတာကို ပြောတာပါ။ ဘယ်လောက်ရမယ် ဆိုတာကိုတော့ ဂျွန်းဥဖေါ်တဲ့ အခါမှပဲ
သိရမှာဖြစ်ပါတယ်။ ကျွန်မတို့ သွားဖေါ်မှာကတော့ မြန်မာလို နတ်တော် ၊ ပြာသိုလလောက်
ဆိုရင်တော့ဒီစိုက်ပျိုးထားတဲ့ ဂျွန်းဥပင်တွေကို ဥဖေါ်တော့မှာဖြစ်ပါတယ် ..... ဟု
နောင်မိုးရွာ မခင်ဝင်းရီက ပြောပြခဲ့သည်။
အင်းတော်မြို့နယ်အတွင်းရှိ
ရွှေဘို-မြစ်ကြီးနားသွား ကားလမ်းဘေးဖြစ်သော နောင်မိုးကျေးရွာသည် အင်းတော်မြို့နှင့်
(၇)မိုင်ခန့် အကွာအဝေး ရှိသောကျေးရွာဖြစ်သည်။ထိုကျေးရွာသည် ယခင်ကာလများက
တိုးတက်မှုအမြင်များမရှိသော်လည်း ယခုအခါတွင် ခေတ်နှင့်လျော်ညီစွာ တိုးတက်မှုများ
မြန်ဆန်လာပြီး လူငယ် လူရွယ်အားလုံးမှလည်း အမြင်များဟာ တစ်နေ့ထက်တစ်နေ့
မြှင့်မားလာသော ကျေးရွာကြီးတစ်ရွာဖြစ်သည်။ ထိုကျေးရွာသည် ယခုအခါတွင်
တောင်သူလယ်ယာလုပ်ငန်းများဖြစ်သည့် စပါးများစိုက်ပျိုးသည့် လုပ်ငန်းများသာ မက
ရာသီပေါ်သီးနှံများဖြစ်သည့်တစ်ပိုင်တစ်နိုင် ဂျွန်းပင်များကိုလည်း စီးပွားဖြစ်
စိုက်ပျိုးလာကြကြောင်း သိရသည်။
နေကိုကို(အင်းတော်)
No comments:
Post a Comment