Wednesday, January 8, 2014
Saturday, January 4, 2014
မဲဇာမြစ်အနီးရှိ တောတောင်အခင်းအချို့တွင် တရားမ၀င်မူးယစ်ဆေးဝါး ရောင်းဝယ်ဖေါက်ကားမှုများ ပြန့်နှံ့လျက်ရှိ
(နေကိုကို)
စစ်ကိုင်းတိုင်းဒေသကြီး
၊ ကသာခရိုင် ၊ အင်းတော်မြို့နယ် မန်လည်ကျေးရွာအုပ်စုအတွင်းရှိသော ပျဉ်ထောင်ကုန်းရွာ
၊ လ၀ါကုန်းရွာ ၊ လောင်းစုရွာ အနီးဝန်းကျင်ရှိသော ယာခင်းအချို့နှင့် တောတောင်သွားလမ်း
နေရာဒေသအချို့များတွင် တရားမ၀င် မူးယစ်ဆေးဝါးများ ရောင်းဝယ်ဖေါက်ကား ပြုလုပ်မှုများ
မကြာခဏရှိနေ ကြောင်း သိရသည်။
…..
ကျွန်မတို့ ကျေးရွာအနီးဝန်းကျင်မှာရှိတဲ့ အခင်းသွားလမ်းအချို့တွေမှာလည်း တရားမ၀င် မူးယစ်ဆေးဝါး
ဘိန်းဖြူ ၊ ဘိန်းမဲတွေ ရောင်းဝယ်ဖေါက်ကားနေတာတွေ ရှိနေကြတယ်။ နောက်ပြီးတော့ ကုန်သည်တွေကလည်း
မကြာခဏဆိုသလို လာရောက်ပြီးမှ ဘိန်းဖြူတွေကို ဖြန့်ဖြူးရောင်းချလေ့ရှိတယ်။ ကျွန်မတို့ရွာက
မဲဇာမြစ်တစ်ဖက်ကမ်းမှာဆိုတော့ တောတောင်တွေနဲ့လည်း နီးစပ်တယ်။ နောက်ပြီးတော့ ကျွန်မ
တို့ ပျဉ်ထောင်ကုန်းရွာနဲ့ လ၀ါကုန်းရွာ သွားလမ်းဘေးတွေမှာဆိုရင်လည်း နဲနဲချောင်ကျတဲ့
အခင်းတွေကို ၀င်ပြီးမှ
ခြုံထဲမှာတွေ
အရောင်းအ၀ယ်တွေ မကြာခဏ လုပ်ကိုင်လေ့ရှိကြတယ်။ ဒါတွေကို သက်ဆိုင်ရာကလည်း မျက်ခြေ မပြတ်
ဆောင်ရွက်နိုင်ပါစေလို့ ကျွန်မတို့ကလည်း ဆုတောင်းနေရမှာဖြစ်ပါတယ်။ ဘာကြောင့်လဲဆိုတော့
ကျွန်မတို့ဒေသမှာရှိတဲ့ လူငယ်လူရွယ်တွေ ပျက်စီးသွားမှာကို ကျွန်မတို့တစ်ကယ်စိုးရိမ်လို့ပါ
…. ဟု အင်းတော်မြို့ နယ် ပျဉ်ထောင်ကုန်းရွာမှ မိန်းကလေးတစ်ဦးက ပြောကြားခဲ့သည်။
မဲဇာမြစ်တစ်ဖက်ကမ်းတွင်ရှိသော
ပျဉ်ထောင်ကုန်းရွာနှင့် လ၀ါကုန်းရွာ လမ်းဘေးအနီးဝန်းကျင်ရှိသည့် တောတောင် သွားသည့်
လမ်းဘေးခြုံများတွင်လည်းကောင်း ၊ အခင်းထဲများအချို့တွင်လည်းကောင်း မကြာခဏ ဆိုသလို မူးယစ်ဆေးဝါး
ဘိန်းဖြူများနှင့် ဘိန်းမဲများကို အဝေးမှနေ၍ မကြာခဏ လာရောက်ရောင်းချသည့် ကုန်သည်အချို့မှ
ရောင်းချခြင်းများရှိနေသည့်အတွက်ကြောင့် ဒေသခံအချို့တို့က အရွယ်မရောက်သေးသည့် လူငယ်လူရွယ်များ
မူးယစ်သားကောင်ဖြစ်သွားမည်ကို စိုးရိမ်ပူပန်လျက်ရှိနေကြကြောင်းသိရသည်။
Friday, January 3, 2014
ခေတ်ကြေးမုံ အမြန်ယာဉ်ငယ်အသင်း အင်းတော်-ကသာ -ဗန်းမောက်-အရှေ့ကုန်း-ရွှေတော် ဇန်န၀ါရီလမှ စတင်ပြေးဆွဲတော့မည်
(လေပွေနီ)
စစ်ကိုင်းတိုင်းဒေသကြီး
၊ ကသာခရိုင် ၊ အင်းတော်မြို့ရှိ ခေတ်ကြေးမုံအမြန်ယာဉ်ငယ်အသင်းသည် ၂၀၁၄-ခုနှစ် ၊ ဇန်န၀ါရီလ
(၄)ရက်နေ့မှ စတင်ကာ အင်းတော်မှ ကသာသို့လည်းကောင်း ၊ အင်းတော်မှ ဗန်းမောက် အရှေ့ကုန်း
ရွှေတော် ရွှေမှော်ဖက်သို့လည်းကောင်း ပြေးဆွဲတော့မည်ဖြစ်ပြီး အင်းတော်မြို့ စည်ပင်နယ်နမိတ်
၊ ဘူတာတိုက်တန်းတွင် ကားဂိတ်တည်နေရာများအဖြစ်သတ်မှတ်ကာ ယနေ့နံနက် ၈ နာရီ အချိန်မှ နံနက်
၁၀ နာရီအချိန်အထိ ကားဂိတ်ဖွင့်ပွဲများ ကျင်းပပြုလုပ်ခဲ့ကြောင်း သိရသည်။
……
ကျွန်တော်တို့က ယာဉ်ငယ်အသင်း တစ်ခုအနေနဲ့ ပြေးဆွဲဖို့ရာ ရည်ရွယ်ချက်ကတော့ အင်းတော်မြို့
မှာရှိတဲ့ ခရီးသည်တွေအတွက်လည်း လမ်းပန်းဆက်သွယ်ရေးတွေ အဆင်ပြေ လွယ်ကူချောမွေ့အောင်
စီစဉ်ချက် တစ်ခု ဖြစ်ပါတယ်။ ဘာကြောင့်လဲဆိုတော့အရင်ကာလကဆိုရင် ဒီကနေလို့ ဗန်းမောက်-ရွှေတော်ရွှေမှော် ဘက်ကိုတွေ
သွားတော့မယ်ဆိုရင် ဆိုင်ကယ်ကယ်ရီတွေကို ခရီးသည်တွေက ငှားပြီးတော့ သွားလာနေကြ ရတာ အတော်လေးဒုက္ခရောက်တယ်။
နောက်ပြီးတော့ ခရီးသည်တွေမှာ ၀န်တွေဘာတွေ ပါလာတဲ့ ပစ္စည်းတွေ က ဆိုင်ကယ်နဲ့ တင်ပြီးတော့
သွားလာတော့မယ်ဆိုရင် အတော်လေး အခက်အခဲရှိတယ်။ လူကြီးထဲ သန့်သန့် ဆိုင်ကယ်နဲ့သွားရင်တော့
မဆိုးပါဘူး။ ပစ္စည်းတွေပါတဲ့အခါမှာ အခက်အခဲတွေရှိတော့ အခုလိုယာဉ်လိုင်းလေး ဖွင့်လိုက်တော့
ရွှေတော်ဖက်က သက်ကြီးရွယ်အိုခရီးသည်တွေအတွက်လည်း အဆင်ပြေပါတယ်။ နောက်ပြီး မကြာမီကာလရက်ပိုင်းများမှာ
အင်းတော်နဲ့ နန့်စီးအောင် ပြေးဆွဲဖို့ရာလည်း ကျွန်တော်တို့ ရာထားပါတယ်။ ဒါမှသာလျှင်
ဒေသခံပြည်သူတွေအတွက်လည်း အဆင်ပြေချောမွေ့သွားမှာဖြစ်လို့ ကျွန်တော်တို့အတွက်လည်း အဆင်ပြေသလို
ခရီးသည်တွေအတွက်လည်း အဆင်ပြေပါတယ် ….. ဟု အင်းတော်မြို့နယ် ခေတ်ကြေးမုံ အမြန်ယာဉ်ငယ်အသင်းမှ
ပါဝင်သူတစ်ဦးက ပြောကြားခဲ့သည်။
ယခင်ကာလက
အင်းတော်နဲ့ ဗန်းမောက်မြို့နယ် အရှေ့ကုန်း ရွှေတော် ရွှေမှော်ဘက်ကို သွားလိုသည့် အခါများတွင်
ဆိုင်ကယ်ကယ်ရီများကို ဈေးများ မတန်တဆ ပေးပြီးတော့ ငှားစီးနေကြရသော ခရီးသည်များ အတွက်
ယခုအခါတွင် ယာဉ်ငယ်လိုင်းများ ဖွင့်လစ်လိုက်ပြီဖြစ်သည့်အတွက်ကြောင့် ခရီးသွားလာရေးများလည်း
လွယ်ကူချောမွေ့စွာ သွားလာနိုင်တော့မှာဖြစ်သလို အင်းတော်မြို့နှင့် ကချင်ပြည်နယ် မိုးညှင်းမြို့နယ်
နန့်စီးအောင်
ကျေးရွာဖက်သို့လည်း
မကြာမီကာလရက်ပိုင်းများတွင် အဆိုပါယာဉ်ငယ်လိုင်းများမှ ဆက်လက်ပြေးဆွဲသွားတော့ မည်ဖြစ်ကြောင်း
သိရသည်။
Subscribe to:
Posts (Atom)